അണ്ടര് 19 ഏഷ്യാ കപ്പില് മലേഷ്യക്കെതിരെ ഇന്ത്യയ്ക്ക് കൂറ്റൻ ജയം. ഇന്ത്യ ഉയർത്തിയ 408 റൺസ് വിജയ ലക്ഷ്യം പിന്തുടർന്ന മലേഷ്യ 93 റൺസിന് ഓൾ ഔട്ടായി. അഞ്ചുവിക്കറ്റ് നേടിയ ദീപേഷ് ദേവേന്ദ്രന്റെ പ്രകടനമാണ് മലേഷ്യയെ തകർത്താത്തത്.
നേരത്തെ 125 പന്തില് 209 റണ്സുമായി പുറത്താവാതെ നിന്ന അഭിഗ്യാന് കുണ്ടുവിന്റെ ഇന്നിങ്സിന്റെ കരുത്തില് മലേഷ്യയ്ക്ക് മുന്നിൽ ഹിമാലയൻ വിജയലക്ഷ്യമാണ് ഇന്ത്യ പടുത്തുയർത്തിയത്. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഇന്ത്യ 50 ഓവറില് ഏഴ് വിക്കറ്റ് നഷടത്തില് 408 റണ്സ് നേടി.
അർധ സെഞ്ച്വറി നേടി വേദാന്ത് ത്രിവേദിയും വൈഭവ് സൂര്യവംശിയും ഇന്ത്യയ്ക്ക് വേണ്ടി തിളങ്ങി. വേദാന്ത് 106 പന്തില് 90 തിളങ്ങിയപ്പോൾ വൈഭവ് 26 പന്തില് 50 റൺസെടുത്തു. മലേഷ്യയ്ക്ക് വേണ്ടി മുഹമ്മദ് അക്രം അഞ്ച് വിക്കറ്റ് വീഴ്ത്തി. ഗ്രൂപ്പ് ബിയില് യുഎഇ, പാകിസ്താന് എന്നിവരെ തോല്പ്പിച്ച ഇന്ത്യ നേരത്തെ സെമി ഫൈനലിന് യോഗ്യത നേടിയിരുന്നു.
Content Highlights:Ahigyan Kundu hits double Centurty, india big win vs Malaysia